ازاي تكون أخصائي تخاطب و تنمية مهارات ناجح في مركز
أو برايفت
مجموعه نقط لو عملتها هتكون أخصائي تخاطب و تنميه مهارات شاطر:
اول نقطة: لازم تكون فاهم نظري كويس جدا، و فهمك للنظري مش بس بانك عملت دبلومه او كورس معين لا لازم تكون بتطور من نفسك. لازم تكون عملت دبلومه او عملت كورسات و تكون كمان بتتفرج علي فديوهات تعلميه او فديوهات شرح في المجال بتاعنا و طبعا لازم تكون بتعمل دراسات عليا في جامعه.
لازم تكون بتشتغل علي نفسك و بتطور من نفسك طول الوقت مينفعش تقول انا خلاص كده عرفت كل حاجه.وهنا هتلاقي نفسك في البداية بتتحط مع حالات سهله تبدا بقي تشوف الحالات دي بنشتغل معاها ازاي، تبدا تشوف الاخصائي الي بيدربك بيعمل ايه ازاي بيتعامل مع الطفل جوا الجلسه و ازاي بيدير الجلسه.
لازم تبدا تتعلم من الاخصائين الي بيدربوك تبدا تاخد من كل واحد طريقه و اسلوب و في النهايه تقدر تبتكر طريقتك الخاصه لان زي ما احنا عارفين التخاطب قائم علي الابداع و الابتكار، المهم توصل في النهايه لطريقه خاصه بيك تبدا تشتغل بيها مع الحالات.
كمان لازم تكون فاهم ان التدريب العملي ده هو الي هيخليك تكتسب مرونه مع الحالات تبدا تعرف تتعامل مع الحالات
تشوف ازاي اخلي الطفل ده يتفاعل معايا ازاي اخلي الطفل ده يتجاوب معايا ازاي اوصل مع الطفل ده اني احقق الهدف المطلوب او انه ينجز الهدف الي بيشتغل عليه.
تالت نقطة: عايزك تهتم بيها هي عمليه الاقران وهي انك تحاول تبني علاقه مع الطفل و انك تخلي الطفل ده يثق فيك كاخصائي يعني يبدا يحب يشتغل معاك يبدا يحب الجلسه بتاعتك، يبدا يكون هو نفسه عايز يدخل معاك الجلسه يعني مفروض توصل في مرحله معينه انك تكون انت المعزز بتاعه و أول ما يشوفك يبقي مبسوط وعاوز يدخل معاك الجلسة.
ازاي احقق عمليه الاقران؟
ممكن احققها في خلال اول 3 جلسات ابدا العب مع الطفل ابدا اشوف هو بيحب اي اعرض عليه العاب كتير ابدا اشوف اي المعززات بتاعته و ابدا اشوف اي المدخل بتاعه اهم حاجة احاول انجح في عمليه الاقران.
رابع نقطه: مش عايزك تستعجل مش بمجرد ما تخلص الدبلومه او الكورس تيجي تقولي ايه الخطوات الي ممكن اعملها علشان افتح مركز، لازم زي ما قولت من شويه تشتغل علي نفسك اكتر تطور نفسك اكتر تتدرب عملي مده اكبر تشتغل سنه و اتنين و تلاته لحد لما تكتسب الخبره الكافيه انك نقدر تاخد خطوه زي دي.
لازم تكون فاهم ان الطفل اللي انت بتشتغل معاه انت مش بتجرب فيه، لا الطفل ده الوقت الي هيضيع وانت بشتغل معاه من غير خطه علاجيه سلميه او من غير ما تكون ماشي في خطوات تخليك تتقدم مع الطفل ده او تطور من مستواه، الوقت الي هيضيع ده انت هتتحاسب عليه يعني لازم تراعي ضميرك و انت بتشتغل مع الحالات.
لازم لما اجي اشتغل مع حاله ابقي عارف ان انا قد الحاله دي و هاقدراوصل معاها للنتيجه الي انا عايزها او هاقدر اساعد الطفل ان هو يقدر يعتمد علي نفسه لو عنده قصور في اللغه مثلا ابدا اشتغل مع الطفل ده و اوصله للهدف الي انا عايزه.
و بما اننا ذكرنا موضوع الخطه العلاجيه يبقي لازم ناكد علي نقطه مهمه جدا و هي انك لازم و انت بتشتغل مع الحاله تكون شغال بخطه علاجيه يعني لازم تكون عملت تقييم للحاله و بعد كده عملت الخطه العلاجيه بتاعتك حطيت فيها الاهداف الي انت المفروض تشتغل عليها مع الطفل ماينفعش تشتغل مع الطفل بشكل عشوائي، ماينفعش تقول هادخل الجلسه لقيت النهارده ان الطفل ده مش عنده تواصل بصري يبقي انا هشتغل علي التواصل البصري، الطفل ده عنده اضطربات نطق يبقي انا هشتغل علي اضطربات النطق ده كدا شغل عشوائي، انا لازم اعمل تقيم كامل للطفل ابدا احدد ايه المشاكل الموجوده عنده، ابدا ابني خطه علاجيه مناسبة احدد فيها الاهداف الي انا هشتغل عليها و تحت كل هدف احدد الانشطه الي انا هاشتغل من خلالها.
نقطه مهمه جدا لازم تنوع في ادواتك مفيش اخصائي معاه مثلا باذل واحد للهدف، لا لازم يكون معايا باذل و اتنين و تلاته ده كله هيخدمك انت يعني هيخدم الطفل و هيخدمك انت كمان.
انت في مرحله هيكون مطلوب منك تشتغل مع الطفل ده علي التعميم يعني اي تعميم:يعني انا لو دربت الطفل ده علي التفاحه فبدا يتعرف علي التفاحه في البازل مثلا او مجسم التفاحه بس لما الطفل بيشوف صوره التفاحه مش بيعرف ان دي التفاحه ليه ؟ لانه معندوش القدرة علي التعميم، مقدرش يعمم شكل التفاحه ولا قدر يتعرف عليها ب اكتر من اداه.
كمان لازم يكون معاك استماره للاستجبات، استماره انت داخل بيها الجلسه كاتب في انا النهارده هشتغل علي الهدف الفلاني و الخانه الي بعدها فيها مثلا تاريخ انجاز الهدف و الخانه الي بعدها استجابه الطفل.
كويسه، الطفل النهارده مكنش في احسن حالاته اسجل ان الطفل النهارده مكنش في احسن حالاته.
و باقي الناس مش عارفه ده مش هيحصل خليك انت احسن و ساعد غيرك و علم غيرك و علم اولياء الامور ازاي يشتغلوا مع ولادهم ازاي حتي لو ده هيخليهم في وقت من الاوقات يستغنوا عنك مفيش مشكله رزقك هيجيلك المهم انك تساعد غيرك وتعلم غيرك و متبخلش علي حد ب اي معلومه.