التوحد | كل ما تحتاج معرفته عن اضطراب طيف التوحد
في مقالتنا هنجاوب علي كل الأسئلة التي تدور في أذهان آباء و أمهات أطفال اضطراب طيف التوحد لنساعدهم علي معرفة كل كبيرة وصيرة تخص أبناءهم.
منذ عام 41، من يوم اكتشاف الطبيب الأمريكي لاضطراب طيف التوحد الي اليوم ولا يوجد اتفاق علي المسمي الخاص به ولا يوجد اتفاق علي الأسباب الخاصة به ولا يوجد اتفاق علي طرق التأهيل المناسبة بشكل كامل، بالتأكيد في أراء راجحه لكن ليست قطعية وغير حاسمة.
يتضح ذلك مرورا بالمصطلح فالبعض يفضل التوحد والبعض بيقول ذاتوية والبعض بيقول سمات توحد فكل دولة عربيه ليها مصطلح وكل محافظة ليها مسمي يعني اختلفت وتعددت الترجمات للمصطلح نفسه كل الاختلاف ده واحنا بنتكلم عن المصطلح فقط مجرد الاسم بتاعه فيه خلاف كبير عليه.
أول سؤال لازم يسأله ولي الأمر ولازم يلاقي اجابه كامله عليه:
ابني اتشخص بإضطراب طيف التوحد يعني ايه الكلام ده
؟
ببساطة خالص ابن حضرتك طفل مختلف يمثل فئة من فئات التربية الخاصة ففئات التربية الخاصة متعددة منها
(الاعاقة العقلية – صعوبات التعلم – اضطراب طيف التوحد – الاصابة الدماغية – الاعاقة السمعية – الضعف السمعي .. الخ)، فا طفل اضطراب طيف التوحد هو فئة من الفئات دي اوفئة بتندرج تحت فئات التربية الخاصة أو الأطفال ذوي الاحتياجات الخاصة.
يعني ايه الكلام ده برضو ليك كولي أمر؟
لازم تعرف ان ابن حضرتك من النهارده ليه احتياجات مختلفة عن اخواته لو هو كان الطفل رقم اتنين او ثلاثة او اربعه بن اخواته فاللأسرة بتاعتك لازم تعرف ان له احتياجات بمجرد تشخيصه لازم تعرفها علشان تشتغل عليها ده اول حاجه لازم تعرفها كاولي أم.
فا طفلك هيتأهل بشكل مختلف، هيتعلم بشكل مختلف واحتمال يدخل مدرسة مختلفه او مدرسة عاديه لكن هيحتاج خدمات هتكمل معاه من يوم التشخيص وفي كل مرحلة جديده هيمر بيها. فا وهو داخل المدرسة محتاج تأهيل ل ده وهو داخل الجامعة محتاج تأهيل ل ده لو أخد تأهيل مهني علشان يشتغل فو محتاج تأهيل ل ده ولو هيعمل في مكان فهو محتاج تأهيل خاص ل ده ولو هيتزوج فهو محتاج تأهيل خاص لده و دي اول حاجه لازم انت تعرفها كولي أمر من اليوم الأول.
السؤال التاني ( يعني ايه اضطراب طيف التوحد ؟ )
زي ما قولنا في المصطلح ان في خلاف فا نفس الوضع في التعريف فعندنا مئات التعريفات.
لكن أبسط تعريف فاضطراب طيف التحوحد هو اضطراب عصبي مشكلة عصبية في خلايا الدماغ يصيب الأطفال منذ الولادة (مولود بيه).
متي يظهر ؟
ده موضوع تاني، ممكن يظهر ف اول شهور او بعد سنة او لما يدخل الحضانه او المدرسة وممكن ميظهرش لو في بيئة مفيهاش متطلبات عاليه، يعني لو طفل اضطراب طيف التوحد البسيط في بيت ف الريف مثلا الولد بياكل بيشرب فممكن محدش ياخد باله لانه مراحش حضانة متحطش في بيئة تختبره بمعني اصح.
لكن لو في بيئة تانيه فا الطفل ف سن سنتين هيدخل حضانه وفي مقابلة فا هنا هيتم اكتشاف المشكلة لان من اول الانترفيو هنلاقي الحضانه او المدرسة بتشتكي من الطفل وبتقول انه هيحتاج كذا كذا ولازم تعرف ان الاطفال مختلفين مفيش اتنين زي بعض وان الاضطراب ده الطفل بيتولد بيه لكن بيتم اكتشافه او ظهور الاعراض حتي سن 8 سنوات لكن لو ظهرت الاعراض بعد سن 8 سنوات فا هو مش اضطراب طيف توحد.
هل هيشفي ؟
لكن طرق تدخلنا بقي مع طفل اضطراب طيف التوحد هي اللي هتخفف من الاضطراب ومن حدة الاعراض.
الأعراض ممكن تختفي ؟
مشكلة ولي الامر :
المشكلة فين؟
المشكلة ان الاعراض السلوكية للطفل ده والي بتختلف من طفل لأخر بتخليه مختلف مش سلس في كل حاجه محتاج تمهيد وتأهيل وتدريب ومحتاج تكرار كتير كير كتير والللي اقوله الصبح هقوله الظهر وبالليل وكل ما هعمل ده كل ما هيتطور معايا اكتر.
الموضوع ده بيأثر علي الطفل ف ايه ؟
بيأثر علي الطفل ف كل حاجه الطفل، قبل دخول المدرسة لو منماش في مجموعة جوانب هيبقي عنده مشكله، فالطبيعي ان لو الطفل في سن السنه مبدأش يمشي يبقي في مشكلة، لو مبيستقبلش ومش فاهم ولا مدرك ولا بيعبر في الجانب الللغوي يبقي في مشكلة.
لو الولد ده جه في سن التدريب علي الحمام ومش مستجيب يبقي في مشكله هدخله حضانه ازاي؟ هو كده محتاجني معاه طول الوقت لحد ما يقدر يستقل في الحمام يبقي هلاقي عنده مشكلة في جانب رعاية الذات.
نفس الشيء في الجانب الاجتماعي انا بودي الولد الحضانه عشان يكون اجتماعي مش عشان يتعلم انا عاوزه يتفاعل يسلم علي صاحبه ياخد دوره ف لعبه يضرب ينضرب يتعامل يتصرف يعرف يطلب ويبادر ويستجيب لما حد يلاعبه سواء كبير او صغير وكمان الجانب المعرفي هيكون في مشكلة أدوات القراءة والكتابه والحساب هيوصل المدرسة ازاي وهيشتغل ازاي بكل المشاكل دي.
هل كل الأطفال عندها نفس المشاكل؟
لا طبعا مفيش طفلين زي بعض.
التشخيص بيبتم ازاي ؟
ليه الدكتور طلب مني اشعه وتحاليل ؟
مفيش اشعة وتحاليل بتثبت او تنفي الاضطراب.
الدكتور بيطلب كل ده عشان يستبعد مشاكل الدماغ او الاورام او نوبات الصرع او اورام الدماغ او نوبات الكهرباء الزايده فبيطلب بعض الاشعات او بعض التحاليل او او او لكن مش عشان يثبت او ينفي اضطراب طيف التوحد.
ده معناه ان الولد مختلف عن الطفل العادي فالطفل العادي مثلا هجيبله مدرس عربي مدرس حساب مدرس تأسيس في البيت في المدرسة انا عارف انه بياخد خمس مواد لكن طفل اضطراب طيف التوحد لا محتاج ان انا اتحرك كتير معاه وعلشان اقدر أساعده وابقي بقوم بتأهيله التأهيل اللي هو محتاجه فا هبدأ الف معاه كتير مكان عشان يتعلم كذا ومكان عشان كذا وكذا .. الخ، او ان انا اروح بيه مكان بيقدم كل الخدمات او اغلب الخدمات وده صعب طبعا فهكون محتاج طبيب اوبعض التخصصات الطبية ومحتاج أخصائي تربيه خاصة يعلمه ومحتاج أخصائي تخاطب وأخصائي نفسي لو عنده مشاكل او ممكن يحتاج علاج وظيفي وعلاج حسي فا هيحتاج اكتر من تخصص تقريبا 10 تخصصات.
هل كل أطفال التوحد محتاجين كل التخصصات دي ؟
لاء طبعا
بعض العائلات بتسأل ابني الطبيب شخصه بانه اسبرجر والبعض قال لا ده سمات توحد
الحقيقه ان مفيش حاجه اسمها سمات توحد والكلام ده مغلوط تمام والغلطة ان بعض الاطباء بيقولوا او بيستخدموا مصطلح سمات علششان يخففوا الصدمه علي الأباء والامهات او اولياء الامور لان طبعا في ولي أمر ممكن يتخانق او يضرب او يزعق للطبيب لو قاله ابنك بيعاني من اضطراب طيف التوحد فا الحقيقه ان مفيش حاجه اسمها سمات لكن هو اضطراب طيف التوحد بسيط او متوسط او شديد وممكن يكون معاه اعاقة ذهنية او من غير اعاقة ذهنيه او يكون بيتكلم او مبيتكلمش لان زي ماحنا عارفين في طفل اضطراب طيف التوحد ناطق أو طفل اضطراب طيف التوحد غير ناطق وحتي لو غير ناطق فا هو هيتكلم بعد تأهيل وتدريب او مش هيتكلم خالص لكن مفيش حاجه اسمها سمات وممكن يكون طفل اضطراب طيف التوحد فقط او يكون طفل اضطراب طيف التوحد ومعاه حركة زيادة او لزمات او عنده مشاكل صوتيه او مشاكل سلوكية.
انا كولي أمر من حقي ايه ؟
طيب ازاي بنشخص ؟
ببساطة عندك حاجتين أساسيتين اول ما تلاحظهم لازم تنتبه او تشك
التوحد مرض ؟
لا التوحد اضطراب ليه مش مرض لان كلمة مرض هتخلينا اسأل عن العلاج علشان يخف لكن هو مش زي السكر او الضغط مالوش علاقة مباشرة بالدواء او العلاج او الصيدلية.
ليه الدكتور بيكتب لابني أدوية ؟
اغلب ادوية اضطراب طيف التوحد عرضيه بتشتغل عالعرض فقط او بتحسن الاعراض لكن مبتعالجش التوحد، هي بتحسن انتباه تركيز ادراك لكن مش هتحسن الكلام لان مفيش دوا للكلام.
التواصل البصري مثلا مالوش دواء غير التدربات والتأهيلات تقدر تعرفه من هنا تدريبات التواصل البصري
لكن لو الطفل عنده فرط حركة: اه ليه ادوية.
والمشاكل السلوكيه بعضها ليها ادويه. لو اضطرابات جنسية فا دي ليها ادويه، فانا محتاج اعالج كل ده وكل ما ابتديت بدري كل ما حليت المشكله فا التدخل المبكر بكل ما تحمله الكلمه من معني اذا كان بشكل صحيح فا هو اهم حاجه ممكن تعملها لابنك المصاب باضطراب طيف التوحد فا لازم ناخد بالنا من كل النقط دي ونبدا نشتغل شغل مكثف مع أطفالنا ونبدأ نشوف كل المشكلات ونسعلي لحلها ولازم نكثف جهودنا كأولياء أمور ومنعتمدش علي الأخصائي او المركز فقط لان ده مش هيحسن الطفل بشكل ملحوظ فمثلا أحد الأباء كان بيحكي تجربته انه اول ما اكتشف ان طفله طفل اضطراب طيف التوحد بدأ يادخل وبدأ من اول ما عرف التشخيص واشتغل واتعلم ازاي يشتغل مع الطفله وكان بيأكد علي دور الأسره او العائلة في تحسن طفل اضطراب طيف التوحد وان هذا الطفل لازم نعرف انه نعمه من ربنا ولازم نعرف انه مختلف ومش لازم ابدا اسعي او اخلي سعيه انه يكون طفل طبيعي لازم اتقبل اختلافه واكون بتعامل معاه علي انه طفل مختلف وابدأ اطور في قدراته ومهاراته وابدأ اشتغل علي تأهيله وكل أفراد الاسرة تساعد في ان التأهيل يحصل بشكل سليم وعلشان اوصل بالطفل لانه يقدر يعتمد علي نفسه ف كل احتياجاته واكثر.